Хог хаягдлыг баялаг болгогчид.
2018 оноос хойш байгаль орчныг хамгаалж, хог хаягдлыг бууруулах, ангилан ялгах соёлыг Монгол даяар төлөвшүүлж буй иргэний нийгмийн байгууллага.
Байгаль орчныг хамгаалж, нийгэмд үйлчилдэг төрийн бус байгууллага.
Хог биш баялаг ТББ нь 2018 оноос эхлэн хог хаягдлыг бууруулах, ангилан ялгах чиглэлээр сургалт, нөлөөллийн ажил, төсөл хөтөлбөр хэрэгжүүлж ирсэн. Сум, дүүрэг, аймаг, нийслэл, аж ахуйн нэгж, албан байгууллагуудтай хамтран ажилладаг.
Бидний эрхэм зорилго бол Хог бол хаягдал биш, зөв ангилж, зөв ашиглавал үнэ цэнтэй баялаг гэсэн ойлголтыг нийгэмд түгээж, Монгол орноо хоггүй болгоход оршино.
Монгол Улсад хог хаягдлын зөв менежментийг төлөвшүүлж, байгальд ээлтэй хэрэглээ, дахин боловсруулах тогтолцоог хөгжүүлэхэд тэргүүлэгч иргэний нийгмийн байгууллага болох.
2018 оноос өнөөг хүртэл
Байгууллага үүсгэн байгуулагдав
Хог биш баялаг ТББ байгаль орчныг хамгаалах, хог хаягдлыг бууруулах эрхэм зорилготойгоор үйл ажиллагаагаа эхлүүлэв.
Завхан аймаг дахь анхны төслүүд
Завхан аймгийн хог хаягдлын менежментийг сайжруулах төсөл, Эко Завхан аян, Цэвэр цэмцгэр Улиастай төслийг амжилттай хэрэгжүүлэв.
Хогоо мөнгө болгоё төсөл
Чингэлтэй дүүргийн 16-р хороотой хамтран хог хаягдлыг эх үүсвэр дээр нь ангилах, дахивар нөөц болгох төслийг хэрэгжүүлэв.
Чингэлтэйн хог баялаг болно
Чингэлтэй дүүргийн ЗДТГ-тай хамтран сургалт, нөлөөллийн төсөл хэрэгжүүлж, 4 хороонд дахивар нөөцийн цэг байгуулж ажиллуулав.
Монгол орноо хоггүй болгоё
Хог хаягдлын тухай хуульд үндэслэн хөдөө орон нутгийг хоггүй болгох төслийг улс даяар эхлүүлэв. Сургалт, нөлөөллийн ажил, зөвлөх үйлчилгээ хүргэж, дахивар нөөцийн жишиг цэг байгуулдаг.
Улс даяар өргөжсөөр
Одоогийн байдлаар 50 гаруй сумаар явж сумын хог хаягдлын менежментийг сайжруулах сургалт, зөвлөх үйлчилгээ үзүүлээд байна. Мөн 21 аймаг, 300 гаруй сумд онлайн зөвлөх үйлчилгээ өгөхөөр бэлтгэж байна.
Бидний зорилтууд
Хог хаягдлыг эх үүсвэр дээр нь зөв ангилан ялгах дадлыг төлөвшүүлэх.
Дахин ашиглах, дахин боловсруулах үйл ажиллагааг дэмжих.
Байгаль орчны боловсрол, олон нийтийн мэдлэгийг дээшлүүлэх.
Иргэн, аж ахуйн нэгж, төрийн байгууллагуудын хамтын ажиллагааг өргөжүүлэх.
Хаягдлыг дахин ашиглаж, дахин боловсруулдаг эдийн засгийг (дугуй эдийн засаг) хөгжүүлэхэд хувь нэмэр оруулах.
Биднийг хөтлөх үнэт зүйлс
Байгаль орчноо хайрлах
Эх дэлхийгээ ирээдүй хойч үедээ цэвэр, эрүүл хэвээр өвлүүлнэ.
Ил тод, хариуцлагатай
Үйл ажиллагаа, санхүүгээ нээлттэй, шударгаар удирдана.
Хамтын ажиллагаа
Иргэн, байгууллага, төртэй хүчээ нэгтгэж үр дүнд хүрнэ.
Инноваци, бүтээлч шийдэл
Шинэлэг арга, технологиор асуудлыг бүтээлчээр шийднэ.
Тогтвортой хөгжил
Байгаль, нийгэм, эдийн засгийн тэнцвэрийг эрхэмлэнэ.
Ангилбал баялаг, хамгаалбал ирээдүй.